小小豬一向都係好鐘意去博物館，佢成日都話去博物館參觀可以學多啲書本之外嘅知識，咁作為MaMi嘅我見到佢依個喜好就當然支持，所以非常樂意帶佢周圍去。
一直長時間都係處於Full Book嘅「消防及救護教育中心暨博物館」，終於係我恆心晚晚上網check預約情況下，終於book到可以嚟參觀啦！
雖然因為疫情關係所有互動活動及導賞都取消左，即變成為自己係大樓內三層參觀。不過都無損小小豬嘅心情，係每一個展區內嘅展板都都細琢咁睇，佢真係全程不停睇，最後要職員開咪作溫馨提示先願意走。
係一個半鐘嘅參觀時間小小豬都話學到好多消防救護歴史、了解多左唔同時期嘅消防員裝備、消防局設施，咁我陪企都係值得嘅…哈哈！
由於依家冇左導賞(小朋友冇得借衫扮消防員)，所以我覺得比較啱小學生入去參觀，佢地可以自己睇展板介紹，有興趣嘅朋友仔可以去依個預約免費參觀 ~>
https://es.hkfsd.gov.hk/museum/zh-hant/ (每晚12:00可以會有新日子開放，大家要努力啦)
#消防及救護教育中心暨博物館
Search